Birinchi qadam albatta gitni qurilmangizga o‘rnatish bo‘ladi. Bu haqida rasmiy sahifasida o‘zbek tilida ma’lumotlar bor.
🔹️️️️️️Gitni loyihaga qo‘shish
Oldingi maqolada aytganimizdek git loyiha (repository) yaratish uchun o‘zingizga keraklik jildga o‘tasiz va
git init
buyrug‘ini yozasiz terminalda.
🔹️️️️️️O‘zgarishlarni kuzatish uchun qo‘shish
Fayllardagi o‘zgarishlarni git kuzatib borishi uchun git add buyrug‘idan foydalanamiz, masalan ma’lum bir faylni commit qilish uchun qo‘shmoqchi bo‘lsak
git add <fayl nomi>
buyrug‘ini ishlatamiz, agar o‘zgarish bo‘lgan barcha fayllarni qo‘shmoqchi bo‘lsak esa
git add .
buyrug‘ini.
🔹️️️️️️Commit
Keraklik fayllarda o‘zgarish qilib ularni git add yordamida qo‘shganimizdan so‘ng
git commit -m "Commitni tavsiflovchi xabar”
buyrug‘i yordamida ularni commit qilamiz. Bu degani aynan o‘sha o‘zgarishlar yozgan commit xabarimiz bilan git tarixiga kiritilganini bildiradi.
🔹️️️️️️Loyiha holati
Qaysi fayllar commit qilish uchun qo‘shildi, qaysilari hali qo‘shilmadi, qaysilarida yana o‘zgarish qilindi, bularni tekshirish uchun
git status
buyrug‘idan foydalanamiz. Bu buyruq loyihamizdagi gitga bog‘liq hozirgi holatni bizga ko‘rsatadi.
🔹️️️️️️Commitlar tarixi
git log
buyrug‘i yordamida esa biz loyihamizda qilingan commitlarni o‘zlariga tegishli xabari va sanalari bilan ko‘rolamiz.